شہداد پور (رپورٹ: عمران قمر) شہداد پور کے قریب ہالا روڈ پر تیز کار موٹر سائیکل کے مابین ٹکر کے نتیجے راجپوت کالونی کے رہائشی 22 سالہ علی حسن آرائین جاں بحق 3 افراد شدید زخمی، تفصیلات کے مطابق ہالا روڈ پر سلطان سی این جی کے قریب کار اور موٹر سائیکل کے مابین ٹکر کے نتیجے میں راجپوت کالونی شہداد پور کے رہائشی 22 سالہ علی حسن ولد نواز علی آرائیں 21 سالہ محمد طلحیٰ ولد اسحاق راجپوت، علی رضا ولد محمد رمضان راجپوت اور کار ڈرائیور 30 سالہ سعید احمد ولد فیضان احمد راجپوت زخمی ہوگئے اطلاع پر درجنوں لوگ حادثے کی جگہ پر پہنچ گئے، زخمیوں کو فوری طور پر سمس ہاسپٹل لایا گیا تاہم 22 سالہ علی حسن آرائیں جاں بحق ہوگیا، اطلاع پر ڈی ایس پی شہداد پور عطا محمد ڈاہری سمس ہاسپٹل پہنچ کر زخمیوں کو دیکھا اور حادثے کی تمام تفصیلات معلومات حاصل کیں۔
