ڈیرہ اسماعیل خان (رپورٹ: گوہر غنچہ) سردی کی شدت کے ساتھ گیس کی لوڈ شیڈنگ سے شہری پریشان، سلنڈر کے من مانگے ریٹ مقرر، غریبوں پر نیا بوجھ پڑ گیا۔ تفصیلات کے مطابق ڈیرہ اسماعیل خان شہر میں سردی کی شدت زیادہ ہونے پر گیس کے پریشر میں اتنی ہی کمی ہوگئی ہے جس سے گھریلو صارفین کو سخت مشکلات کا سامنا ہے اور روزہ مرہ کے گھریلو معاملات میں تعطل آگیا ہے۔ دوسری طرف شہریوں کی پریشانی اور مشکل کو دیکھتے ہوئے حرام خور سلنڈر فروشوں نے سلنڈر کے ریٹ من مرضی کے مقرر کرکے عوام کو لوٹنا شروع کردیا ہے۔ شہریوں کا کہنا ہے کہ ہر سال گیس کی لوڈ شیڈنگ سے مسائل کا سامنا ہوتا ہے لیکن حکومت کے پاس اس کا کوئی متبادل نہیں ہے جبکہ سلنڈر فروشوں کے خلاف ضلعی انتظامیہ نہ جانے کس وجہ سے چپ سادھ رکھی ہے اور من مانے ریٹس وصول کرنے والوں کے خلاف کوئی ایکشن نہیں ہوتا۔
