ہری پور (رپورٹ: عتیق سلیمانی) ہری پور ایس ایچ او تھانہ سٹی نے موٹر سائیکل چوری کی وارداتوں میں ملوث دو رکنی گروہ گرفتار کر لیا۔ 3 سرقہ موٹر سائیکل برآمد۔ مورخہ 9 دسمبر 2019 کو ہری پور کے رہائشی نے اپنے گھر کے باہر سے موٹر سائیکل چوری کی تحریری درخواست تھانہ سٹی میں دی۔ جس پر تھانہ سٹی ہری پور میں مقدمہ کا اندراج پر تفتیش کا آغاز ہوا۔ ڈی ایس پی سرکل سٹی ہری پور افتخار خان سواتی نے موٹر سائیکل چوری کی واردات کا نوٹس لے کر ایس ایچ او تھانہ کو موٹر سائیکل چوری کی وارداتوں میں ملوث ملزمان کی گرفتاری کا ٹاسک دیا۔ ایس ایچ او تھانہ سٹی ہارون خان کی سربراہی میں تشکیل ٹیم نے انتھک محنت کے بعد ان وارداتوں میں ملوث دو رکنی گروہ کو گرفتار کرلیا۔ دوران تفتیش ملزمان نوید احمد ولد محمد حنیف اور شہباز ولد طارق ساکنان سکندر پور نے چوری کی وارداتوں کا اعتراف کر لیا۔ ملزمان کے نشاندہی پر 3 چوری کی گئی موٹر سائیکلیں برآمد کرلی گئیں۔ ملزمان سے مزید تفتیش جاری ہے۔
