میرپورخاص (رپورٹ: ایم ہاشم شر) سانحہ تیز گام میں شہداء کا سلسلہ جاری، زخمی ہونے والا میرپورخاص کا ایک اور نوجوان شہید ہوگیا، میرپورخاص کے شہداء کی تعداد 50 ہوگئی جبکہ مزید 8 افراد لاپتہ ہیں۔ تفصیلات کے مطابق سانحہ تيز گام میں شدید زخمیوں میں شامل مزید ایک نوجوان شہید ہوگیا ہے۔ میرواہ گورچانی روڈ پر گوٹھ حسن علی رند کا رہائشی 22 سالہ یاسر ولد یعقوب آرائیں شیخ زید ہسپتال میں زیر علاج تھا نوجوان سانحہ تیز گام میں شدید زخمی ہوگیا تھا۔ نوجوان یاسر آرائیں رات گئے زخموں کی تاب نہ لاتے ہوئے چل بسا۔ شہید کا جسد خاکی شام تک میرپورخاص پہنچ جائے گا۔ جنازہ نماز شام پانچ بجے گاؤں حسن علی رند نزد دولت لغاری میں ادا کی جائے گی۔
