ڈیرہ اسماعیل خان (رپورٹ: گوہر غنچہ) ڈیرہ اسماعیل خان کو بڑی تباہی سے بچا لیا گیا، ہینڈ گرنیڈ اور آئی ای ڈی دیسی ساختہ بم تیار کرنے کا سامان، سیکورٹی اداروں کی وردی سمیت دیگر سامان برآمد کرلیا گیا، یونیورسٹی پولیس نے حساس اداروں کی اطلاع پر تھانہ یونیورسٹی کی حدود میں واقع علاقہ سمیع آباد کاروائی کے دوران زیر تعمیر پلاٹ سے تین دستی بم ، پرائما کارڈ، خالی ڈرم سیکورٹی اداروں کی وردیاں برآمد کرلیں۔ پولیس ڈسپوزل اسٹاف ڈیرہ اسماعیل خان کا عملہ بھی موقع پر پہنچ گیا اور عنایت اللہ ٹائیگر کی قیادت میں بم ڈسپوزل سکواڈ کی ٹیم نے برآمد شدہ دستی بم اور دیگر سامان ناکارہ بنا دئیے ہیں۔ پولیس نے نامعلوم ملزمان کے خلاف واقعہ کا مقدمہ درج کرلیا ہے۔
