اسلام آباد (ویب ڈیسک) حکومت نے پٹرولیم مصنوعات کی قیمت میں کمی کا اعلان کر دیا ہے۔ وزارت خزانہ کے مطابق پٹرول کی قیمت فی لیٹر 25 پیسے کمی کے ساتھ نئی قیمت 113 روپے 99 پیسے ،لائٹ ڈیزل کی قیمت میں 2 روپے 90 پیسے فی لیٹر کمی کے ساتھ نئی قیمت 82 روپے 43 پیسے فی لیٹر، ہائی سپیڈ ڈیزل کی قیمت میں فی لیٹر 2 روپے 40 پیسے کمی کرکے نئی قیمت 125 روپے ایک پیسے فی لیٹر جبکہ مٹی کا تیل 83 پیسے فی لیٹر سستا کرکے نئی قیمت 96 روپے 35 پیسے فی لیٹر مقرر کر دی گئی ہے. نئی قیمتوں کا اطلاق آج نصف شب سے ہوگا۔
