کراچی (رپورٹ: ذیشان حسین) پاک بحریہ اور اینٹی نارکوٹکس فورس کا بلوچستان کے علاقے پسنی کے قریب سمندر میں مشترکہ انسداد منشیات آپریشن۔ ترجمان پاک بحریہ کے مطابق آپریشن انٹیلیجنس کی معلومات کی بنیاد پر کیا گیا۔ آپریشن کے دوران 1200 کلوگرام حشیش ضبط کی گئی جو سمندر کے راستے بیرون ملک سمگل کی جا رہی تھی۔ منشیات سمگلنگ کے خلاف کامیاب آپریشن پاک بحریہ کی سمندر میں مؤثر نگرانی کا نتیجہ ہے۔ پاک بحریہ نے ضبط شدہ منشیات مزید قانونی کارروائی کیلئے اینٹی نارکوٹکس فورس کے حوالے کردی۔
