کراچی (رپورٹ: ذیشان حسین) کراچی میں ڈینگی کا سلسلہ روکنے کا نام نہیں لے رہا ہے کراچی میں ڈینگی وائرس سے متاثر مزید 2 افراد دم توڑ گئے جس کے بعد ڈینگی کے باعث اموات کی تعداد 42 ہو گئی ہے، جاں بحق ہونے والوں میں نارتھ ناظم آباد کی رہائشی خاتون اور گلشن ملیر رفاع عام کا رہائشی 3 ماہ کا بچہ شامل ہیں۔ ڈینگی کے دونوں مریض نجی ہسپتالوں میں زیر علاج تھے، ڈینگی سرویلنس سیل کے مطابق کراچی میں گزشتہ 24 گھنٹوں کے دوران 101 اور سندھ کے دیگر اضلاع میں ڈینگی کے 11 نئے کیس رپورٹ ہوئے، جبکہ کراچی کے 14241 سمیت سندھ میں ڈینگی کیسز کی مجموعی تعداد 15304 ہوگئی ہے۔
