ڈیرہ اسماعیل خان (رپورٹ: گوہر غنچہ) ڈیرہ اسماعیل خان کے ممتاز سماجی کارکن مدثر علی میمن نے اپنے بیان میں کہا ہے کہ حکومت کی طرف سے بار بار تردید کے باوجود بھی دوا ساز کمپنیوں نے ادویات کی قیمتوں میں اضافہ کرکے سفید پوش طبقہ کو پریشانی اور اذیت میں مبتلا کردیا ہے۔ ایک سال کے دوران دوا ساز کمپنیوں ںے تین سو فیصد ادویات کی قیمتوں میں اضافہ کرکے غریب عوام پر مہنگائی کا ایٹم بم گرایا ہے اور مستقل بیماریوں کی ادویات خریدنے والے سفید پوش طبقہ، دیہاڑی دار مزدور اور پرائیویٹ و سرکاری ملازمین علاج مہنگا ہونے پر مزید پریشانی سے دوچار ہوگئے ہیں۔ انہوں نے مطالبہ کیا کہ ریاست مدینہ کے حکمران عوام کو علاج معالجہ کی مفت سہولیات کی فراہمی کے لئے انقلابی اقدامات اٹھائیں تاکہ عوام کو علاج معالجہ کی مفت سہولیات میسر آسکیں۔
