ابوظہبی (سپورٹس ڈیسک) پاکستانی باکسر محمد وسیم نے میکسیکو کے سابق عالمی چیمپیئن گینگن لوپز کو شکست دے کر دبئی میں ہونے والی فائٹ جیت لی۔ پاکستانی باکسر محمد وسیم نے میکسیکن باکسر گینگن لوپز کو شکست دے کر دبئی میں ہونے والی فائٹ جیت لی۔ محمد وسیم کے پروفیشنل کیریئر کی یہ دسویں فتح ہے۔ محمد وسیم آٹھویں راﺅنڈ میں اپنے حریف پر حاوی رہے۔ ریفریز نے متفقہ طور پر محمد وسیم کو فاتح قرار دیا۔ پاکستانی باکسر محمد وسیم نے ورلڈ رینکنگ فائٹ جیت کر سپر فلائی ویٹ کیٹیگری میں ٹائٹل اپنے نام کیا۔ آٹھ راونڈز پر مشتمل میچ میں محمد وسیم کو 75 کے مقابلے میں 77 پوائنٹس سے فتح ملی۔
