راولپنڈی (ویب ڈیسک) آرمی چیف جنرل قمر جاوید باجوہ نے آرمرڈ کور سینٹر نوشہرہ کا دورہ کیا۔ پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمر جاوید باوجوہ نے کرنل کمانڈنٹ کے بیجز لگانے کی تقریب میں شرکت کی اور سبکدوش ہونے والے کرنل کمانڈنٹ لیفٹیننٹ جنرل نوید مختار (ریٹائرڈ) کے ہمراہ لیفٹیننٹ جنرل سرفراز ستار کو کرنل کمانڈنٹ آرمرڈ کور کا بیج لگایا۔ تقریب میں شہداء کے اہلخانہ نے بھی بڑی تعداد میں شرکت کی۔ آرمی چیف نے روایتی اور غیر روایتی جنگ میں آرمرڈ کور کی کارکردگی کو سراہا۔ آئی ایس پی آر کے مطابق آرمی چیف نے یادگار شہداء پر پھول چڑھائے اور فاتحہ کی۔
