کراچی (رپورٹ: ذیشان حسین) کمشنر کراچی افتخار شالوانی کی ہدایات کی روشنی میں ڈپٹی ڈائریکٹر ہیڈ کوارٹر کمشنر کراچی آفس وسیم الدین نے شہر میں بڑھتے ہوئے اشیاء نرخ کے سلسلے میں ضلع ساؤتھ کے مختلف علاقوں میں چھاپہ مارکر دودھ، مرغی، بیکری، فروٹ، سبزیوں، گوشت، آٹے کی ملوں اور عام خورد و نوش اشیاء کی قیمیتوں کا جائزہ لیا اور زائد نرخ وصول کرنے پر 25 ستمبر سے 15 اکتوبر تک تقریبا 118 گراں فروشی کے کیسز درج کئے اور 432،500 روپے جرمانہ بھی عائد کیا۔ کمشنر کراچی افتخار شالوانی نے تمام ڈپٹی کمشنرز اور اسٹنٹ کمشنر و دیگر فیلڈ افسران کو ہدایات کی ہے کہ وہ اپنی اپنی انتظامی و علاقائی حدود میں گراں فروشوں کے خلاف سخت کارروائی کریں اور عوام کو زیادہ سے زیادہ ریلیف فراہم کرنے کے اقدامات کریں اور زائد نرخ کو نظر میں رکھ کر قانونی کارروائی بھی کریں۔
