کراچی (رپورٹ: ذیشان حسین) سندھ حکومت نے کچرا پھینکنے والے دکانداروں کیخلاف بھی قانونی کارروائی کرنے کا فیصلہ کرلیا ہے۔ ذرائع کے مطابق کچرا پھینکنے والے دکانداروں کے خلاف بھی اب قانونی کارروائی کی جائیگی، جس دکان کے باہر کچرا ملے گا اسے دفعہ 144 کے تحت گرفتار کیا جائے گا، دکاندار اپنی دکان کے باہر صفائی رکھنے کے پابند ہوںگے۔ ذرائع کے مطابق دکانداروں کی روزانہ کی مانیٹرنگ کی جائیگی، کارروائی کے حوالے سے نوٹیفکیشن جلد جاری کردیا جائیگا۔
