کوالالمپور/ ملائیشیا (رپورٹ: عامر وقاص چوہدری) پاکستان انٹرنیشنل ایئر لائن کی کوالالمپور سے اسلام آباد کے لئے فلائٹ آپرشن 14 اکتوبر سے شروع ہورہا ہے۔ اسلام آباد سے کوالالمپور کے روٹ پر ہر ہفتے دو پروازیں شیڈول ہونگی۔ جبکہ پی آئی اے نے مسافروں کی سہولت کے لئے ایک اور آفر کو متعارف کروایا ہے جو مسافر پی آئی اے کی ایڈوانس ٹکٹ بک کروائیں گے ان کے لئے لیگج میں اضافی وزن پر 50 فیصد تک کی خصوصی رعایت دی جارہی ہے۔ ملائشیا میں مقیم پاکستانی سینٹرل پلازہ جالان سلطان اسماعیل بکت بینتانگ کوالالمپور میں پی آئی اے کے دفتر سے اپنی ٹکٹ کی بکنگ کروائیں یا پھر مجاز پی آئی اے ایجنٹ یا پی آئی اے کی ویب سائٹ سے آن لائن بکنگ کروا کر اس سہولت سے فائدہ اٹھا سکتے ہیں۔
