اسلام آباد (ویب ڈیسک) پاک فضائیہ کے سربراہ ائیر چیف مارشل مجاہد انور خان نے آج جوائنٹ اسٹاف ہیڈ کوارٹرز میں چئیرمین جوائنٹ چیفس آف اسٹاف کمیٹی جنرل زبیر محمود حیات سے ملاقات کی۔ ملاقات میں پاک فضائیہ کی آپریشنل تیاریوں اور اسکی ترقی کے مختلف امور پر تبادلہ خیال کیا گیا۔ چیئرمین جوائنٹ چیفس آف اسٹاف کمیٹی نے پاک فضائیہ کی پیشہ ورانہ مہارت اور عزم و حوصلے کی تعریف کی۔ اس موقع پر چیئرمین جوائنٹ چیفس آف سٹاف کمیٹی اور پاک فضائیہ کے سربراہ نے کسی بھی خطرے سے پاکستانی فضائی حدود کے دفاع کے عزم کا اعادہ کیا۔
