اسلام آباد (بیورو رپورٹ) خیبرپختونخوا کے قبائلی اضلاع کی نشستیں بڑھانے سے متعلق آئینی ترمیم تاخیر کا شکار ہے، تاہم الیکشن کمیشن نے انتخابی عمل جاری رکھنے کا فیصلہ کرلیا۔آئینی ترمیم میں تاخیر الیکشن کمیشن کے لیے درد سر بن گئی۔ ترجمان الیکشن کمیشن نے کہا کہ عید کے بعد بیلٹ پیپرز کی چھپائی شروع کی جائے گی، قبائلی علاقوں کے 16حلقوں کے لیے 28 لاکھ سے زائد بیلٹ پیپرز چھاپے جائیں گے۔ ترجمان الیکشن کمیشن کے مطابق آئینی ترمیم منظور ہونے تک انتخابی عمل کو نہیں روکا جائے گا، آئینی ترمیم منظور ہونے کی صورت میں انتخابات موخر کیے جانے تھے۔
