کراچی (رپورٹ: ذیشان حسین) سینیئر صحافی ادریس بختیار کراچی میں انتقال کرگئے۔ادریس بختیار کا شمار پاکستان کے ان صحافیوں میں ہوتا تھا جنہوں نے نہ صرف اردو بلکہ انگریزی صحافت میں بھی نمایاں کردار ادا کیا۔ وہ متعدد ملکی و غیر ملکی ذرائع ابلاغ میں خدمات انجام دے چکے تھے۔ بحیثیت رپورٹر انہوں نے جن میڈیا گروپس میں کام کیا ان میں جنگ، جسارت اور پی پی آئی ہیرالڈ شامل ہیں۔ ادریس بخیار نے صف اول کے صحافتی اداروں میں اپنے صحافتی جوہر دکھائے۔ وہ بی بی سی، وائس آف امریکا، عرب نیوز سے بھی وابستہ رہے۔ مرحوم ادریس بختیار کی نماز جنازہ کل ادا کی جائے گی۔
