میرپورخاص (رپورٹ: ایم ہاشم شر) میرپورخاص کی ماڈل اور ٹرائل کورٹ نے قتل اور اغوا کا جرم ثابت نہ ہونے پر تین ملزمان کو بری کردیا۔ ڈگری پولیس اسٹیشن میں 2012 میں محمد یاسین آرائیں، محمد آصف آرائیں اور محمد یوسف راھموں پر قتل اور اغوا کا مقدمہ مسمات حسینہ کی مدعیت میں درج تھا۔ مسمات حسینہ نے اپنے شوہر محمد ساجد کو ملزمان کی جانب سے اغوا کرکے قتل کرنے کا مقدمہ درج کرایا تھا۔ الزام ثابت نہ ہونے کی وجہ سے تمام ملزمان کو بری کردیا گیا ہے۔
