پانی کھڑاہونے سے علاقے میں تعفن، بدبواور وبائی امراض پھیلنے کا خدشہ
اہل علاقہ کا اسسٹنٹ کمشنر کمالیہ سمیت اعلیٰ حکام سے کاروائی کا پر زور مطالبہ
کمالیہ (ویب ایڈیٹر ۔ ڈاکٹر غلام مرتضیٰ) تفصیلات کے مطابق کمالیہ محلہ بہلول والا کی مین اور ملحقہ گلیاں دریا کا منظر پیش کر رہی ہیں۔جس سے مکینوں کے مکان اور پراپرٹی کو نقصان پہنچنے کے ساتھ ساتھ مسلسل پانی کھڑاہونے سے علاقے میں تعفن، بدبواور وبائی امراض پھیلنے کا خدشہ ہے۔ اہل علاقہ کا کہناہے کہ بار بارمیونسپل انتظامیہ کو شکایات کرکر کے تھک گئے ہیں ہمارا کوئی پرسان حال نہیں ہم گھروں سے نکلنے اور نماز پڑھنے کیلئے مسجد تک نہیں جا سکتے۔ اسسٹنٹ کمشنر کمالیہ سمیت اعلیٰ حکام سے پر زور مطالبہ کرتے ہیں کہ صورتحال کا نوٹس لیا جائے اور محلہ بہلول والا میں سیوریج کے پانی کا مستقل حل کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
