گجرات (رپورٹ: مرزا عادل رحمان) تھانے میں ارشد نامی شخص کی ہلاکت کا معاملہ ڈی پی او گجرات سید علی محسن کا فوری ایکشن ایس ایچ او ککرالی اور محرر کو معطل کردیا تحقیقاتی کمیٹی تشکیل۔ تفصیلات کے مطابق چڑیاولہ کا رہائشی ٹھیکیدار محمد ارشد کی پولیس حراست میں ہلاکت کا فوری نوٹس لیتے ہوۓ ڈی پی او گجرات سید علی محسن کاظمی نے ایس ایچ او ککرالی اور محرر کو معطل کر کے مزید تحقیقات کے لئے یس پی انویسٹیگیشن امجد محمود قریشی کی سربراہی میں ڈی ایس پی صدر سعید احمد خان، ڈی ایس پی کھاریاں میاں ارشد اور ڈی ایس پی سراۓ عالمگیر رمضان کمبوہ پر مشتمل تحقیقاتی کمیٹی تشکیل دے دی۔ کمیٹی نے موقع پر پہنچ کر تحقیقات شروع کردی۔ ترجمان گجرات پولیس کے مطابق ڈی پی او گجرات سید علی محسن کاظمی نے کہا ہے کہ مکمل تحقیقات کے بعد قصور واران کے خلاف بلا تفریق سخت سے سخت قانونی کاروائی عمل میں لائی جاۓ گی۔
