کراچی یونین آف جرنلسٹس دستورکا پی ٹی آئی ریلی میں کوریج کرنےوالےصحافیوں پر پولیس تشدد کی شدید الفاظ میں مذمت کرتی ہے واقعے کی غیرجانبدارانہ تحقیقات کرائی جائے، خلیل ناصر

کراچی،(نوپ نیوز) کراچی یونین آف جرنلسٹس دستورنے تین تلوار پر کوریج پر معمور صحافیوں پر تشدد کرنےاور موبائل فونز اور کیمراچھیننے کی شدید الفاظ میں مذمت کرتے ہوئے مطالبہ کیا ہے کہ نگراں وزیراعلیٰ سندھ ،گورنرسندھ اور آئی جی سندھ واقعے کا نوٹس لیکر صحافیوں پر تشدد کرنے والے پولیس اہلکاروں کے خلاف غیرجانبدارانہ تحقیقات کروا کر ذمہ داران کو قرار واقعی سزادی جائے۔اپنے بیان میں صدرکےیوجےدستور خلیل ناصر اورجنرل سیکریٹری نعمت خان نے کہا ہے کہ کوریج پر معمور جیونیوزکےکیمرامین الطاف حسین،سنونیوز کے کیمرا مین احمر عباس،ایک نیوز کے سینئر رپورٹر محمد سلمان،اے آروائی کےرپورٹر افضل پرویز سمیت دیگر صحافیوں پر تشدد کیا گیا ہےجبکہ سنونیوزکا کیمراچھین کر توڑدیاگیا کےیوجےدستورکےرہنمائوں نے مطالبہ کیا ہے کہ نگراں حکومت واقعے کی غیرجانبدارانہ تحقیقات کرکے صحافی برادری میں پھیلی ہوئی بے چینی کو ختم کیا جائے۔