کراچی، (رپورٹ، ذیشان حسین) پاکستان ویمنز کرکٹ ٹیم کا آئرلینڈ کے دورے کے لیے کراچی میں جاری تربیتی کیمپ اختتام پذیر ہو گیا ہے۔ ٹیم کل (اتوار) صبح آئرلینڈ روانہ ہوگی اور دوپہر تک ڈبلن پہنچ جائے گی۔
آئرلینڈ کے خلاف تین ٹی ٹوئنٹی میچوں پر مشتمل سیریز میں پاکستان ویمنز ٹیم کی قیادت آل راؤنڈر فاطمہ ثناء کریں گی۔ سیریز کے تمام میچز آئرلینڈ کے شہر کلون ٹرف میں کھیلے جائیں گے۔ پہلا میچ 6 اگست، دوسرا 8 اگست جبکہ تیسرا اور آخری میچ 10 اگست کو شیڈول ہے۔
پاکستان ویمنز ٹیم کے 15 رکنی اسکواڈ میں درج ذیل کھلاڑی شامل ہیں:
عالیہ ریاض، ڈیانا بیگ، ایمان فاطمہ، گل فیروزہ، منیبہ علی، نجیحہ علوی (وکٹ کیپر)، نشرہ سندھو، نتالیہ پرویز، رامین شمیم، شوال ذوالفقار، سعدیہ اقبال، سدرہ امین، طوبیٰ حسن، وحیدہ اختر اور کپتان فاطمہ ثناء۔
دورہ آئرلینڈ ویمنز ٹیم کے لیے ایک اہم امتحان ہوگا، جو اگلے انٹرنیشنل ٹورنامنٹس کی تیاریوں کا بھی حصہ ہے۔
