کراچی، (رپورٹ، ذیشان حسین) پشاور زلمی اور زلمی فاؤنڈیشن کے چیئرمین جاوید افریدی نے خیبر پختونخوا میں حالیہ سیلاب سے ہونے والی تباہ کاریوں اور قیمتی جانوں کے ضیاع پر گہرے رنج و غم کا اظہار کیا ہے۔
انہوں نے کہا کہ اس مشکل گھڑی میں ہماری تمام دعائیں اور ہمدردیاں متاثرہ خاندانوں کے ساتھ ہیں۔
جاوید افریدی نے زلمی فاؤنڈیشن کی جانب سے سیلاب متاثرین کی فوری امداد کے لیے ایک کروڑ روپے دینے کا اعلان کیا اور کہا کہ خیبر پختونخوا کے عوام کو تنہا نہیں چھوڑیں گے۔
ان کا کہنا تھا کہ زلمی فاؤنڈیشن آئندہ بھی اپنی ہر ممکن مدد اور تعاون جاری رکھے گی۔
