کراچی، (رپورٹ، ذیشان حسین) اسپیکر سندھ اسمبلی سید اویس قادر شاہ نے گلگت بلتستان، آزاد کشمیر اور خیبر پختونخوا میں حالیہ سیلاب سے ہونے والی تباہ کاریوں اور جانی نقصان پر گہرے رنج و افسوس کا اظہار کیا ہے۔ انہوں نے بونیر میں جاں بحق افراد کے لواحقین سے دلی تعزیت کرتے ہوئے کہا کہ سیلاب متاثرہ خاندانوں کے غم میں پورا ملک برابر کا شریک ہے۔
اویس قادر شاہ نے کہا کہ قدرتی آفات سے بچاؤ کیلئے مربوط اور طویل المدتی حکمت عملی ناگزیر ہے، تاکہ آئندہ ایسے نقصانات سے بچا جا سکے۔ انہوں نے مطالبہ کیا کہ متاثرہ اضلاع میں فوری ریلیف اور بحالی کے اقدامات کئے جائیں اور وفاقی و صوبائی حکومتیں متاثرہ عوام کی مدد کیلئے ہر ممکن اقدامات اٹھائیں۔
انہوں نے مزید کہا کہ مشکل وقت میں عوام کا ساتھ دینا ہم سب کی قومی ذمہ داری ہے۔
