کراچی، (رپورٹ ذیشان حسین) یومِ آزادی کے موقع پر ایف کے ایکسپرٹیز تائیکوانڈو اکیڈمی، جمال الدین افغانی پارک میں رنگا رنگ تقریب منعقد ہوئی۔ تقریب کے مہمانِ خصوصی لیفٹیننٹ عاصف نعیم خان (پاکستان نیوی)، یو سی چیئرمین سلیم کبادیہ اور یو سی کونسلر بلال مہنتی تھے۔
بچوں نے بیلٹ ٹیسٹ میں شاندار مہارت کا مظاہرہ کر کے حاضرین سے بھرپور داد سمیٹی۔ اس موقع پر بیلٹس، اسناد اور شیلڈز تقسیم کی گئیں جبکہ کیک کاٹنے کی تقریب نے پروگرام کو مزید یادگار بنا دیا۔
ایگزامینرز فصیح الدین، محمد طلحہ خان، منیزہ خان، اختر راحیل اور جمال نے بچوں کی کارکردگی کو سراہا۔ والدین اور میڈیا کی بڑی تعداد نے شرکت کر کے پروگرام کو کامیاب بنایا۔
اکیڈمی کے بانی کامران کیو۔ قریشی نے کامیاب انعقاد پر شرکاء، میڈیا اور اپنے اہلِ خانہ کا خصوصی شکریہ ادا کیا۔
