مانسہرہ (رپورٹ: عتیق سلیمانی) چیف سیکرٹری خیبر پختونخوا اور انسپکٹر جنرل پولیس خیبر پختونخوا خیبر پختونخوا کے حالیہ دورے کی روشنی میں کمشنر ہزارہ ڈویژن ریاض خان محسود نے پیر کے روز ناران جھیل سیف الملوک کا دورہ کیا اور وہاں پر چلنے والی 28 غیر قانونی کشتیاں چلتے ہوئے پائی گئی۔ کمشنر ہزارہ ڈویژن ریا ض خان محسود کے حکم پر ان غیر قانونی کشتیوں کو ہٹایا گیا تاکہ ماحول کو صاف ستھرا رکھا جاسکے اور ٹراؤٹ مچھلیوں کو کسی بھی ممکنہ خطرے سے بچایا جاسکے۔ 13 کشتی مالکان نے اپنی کشتیاں خود ہٹا دی جبکہ 15 کشتیاں قبضے میں لے لی گئی اور اسے وائلڈ لائف کے حوالے کر دیا گیا۔ یہاں یہ بات قابل ذکر ہے کہ مزکورہ کشتی والوں کو متبادل روزگار فراہم کیا جائے گا۔ اس کے علاؤہ دریائے کنہار میں چلنے والی 28 غیر قانونی کشتیوں کو بھی قبضے میں لے لیا گیا۔ مزید برآں دریائے کنہار اور مانسہرہ ناران جلکھڈ روڈ کے کنارے تمام غیر قانونی تجاوزات ہٹائے جارہے ہیں تاکہ سیاحوں کے لئے ماحول کو بہتر سے بہتر بنانے کے ساتھ ساتھ ہر طرح کی سہولت دی جاسکے اور علاقے کی خوبصورتی کو برقرار رکھا جاسکے۔
