جامشورو (رپورٹ: سبحان بلوچ) سیہون میں انڈس ہائی وے کے قریب ٹریفک حادثہ جس کے نتیجے میں 4 افراد جاں بحق۔ تفصیلات کے مطابق سیہون شریف میں انڈس ہائی وے پر آمری کے قریب ڈمپر اور وین میں تصادم ہوا ہے جس کے نتیجے میں 4 افراد جاں بحق ہوگئے۔ ایس ایس پی توقیر نعیم کا کہنا ہے کہ جاں بحق افراد وین میں سوار تھے، حادثے میں 12 افراد زخمی بھی ہوئے۔ ریسکیو ذرائع کے مطابق حادثے کے بعد مقامی افراد اور ریسکیو ٹیموں نے جائے حادثہ پر پہنچ کر جاں بحق افراد کی لاشوں اور زخمیوں کو نکال کر اسپتال منتقل کر دیا ہے۔
