ڈگری ( خصوصی رپورٹ: فرحان منہاج) ننھی زینب کو مٹی تلے سوئے ایک سال ہوگئے. پنجاب کے ضلع قصور میں زیادتی کے بعد قتل ہونے والی ننھی زینب کو 10 جنوری کو ایک سال ہوجائیں گے۔ ننھی زینب کو قصور میں اغوا کے بعد زیادتی کا نشانہ بناکر قتل کردیا گیا تھا۔ اس واقعے کو لیکر سوشل میڈیا پر جسٹس فار زینب کے نام سے ایک مہم کا آغاز ہوا تھا جس نے پاکستان سمیت پوری دنیا کو ہلاکر رکھ دیا۔ زینب کے قاتل کی گرفتاری کے لیے قصور میں مظاہرے ہوئے جس میں پولیس کی جانب سے فائرنگ سے دو افراد جانبحق ہوگئے تھے۔ سپریم کورٹ کے ازخود نوٹس کے بعد پولیس نے زینب کے قاتل عمران کو گرفتار کیا جسے بعد ازاں پھانسی کی سزا سنادی گئی۔ زینب کی پہلی برسی میں پاکستان بھر سے افراد سمیت سیاسی و سماجی شخصیات بھی شرکت کریں گے جبکہ پہلی برسی میں پاکستان عوامی تحریک کے سربراہ ڈاکٹر طاہرالقادری خصوصی شرکت کریں گے اور دعا کروائیں گے۔
