ڈیرہ اسماعیل خان (رپورٹ: گوہر غنچہ) ڈیرہ اسماعیل خان شہر سمیت ملحقہ علاقوں میں چائے کے ہوٹلوں پر کیمیکل ملی مضر صحت پتی سے چائے تیار کرکے فروخت کی جارہی ہے۔ سردی کے موسم میں کیمیکل ملی پتی سے بنی چائے شہریوں کو تسکین تو پہنچا رہی ہے لیکن ایسی پتی سے بنی چائے انسانی صحت پر منفی اثرات مرتب کرتی ہے۔ معدہ، جگر، سمیت دیگر بیماریوں کے باعث بنتی ہے۔ شہر کے مختلف مقامات پر موجود ہوٹلوں میں مضر صحت، کیمیکل والی چائے کی فروخت کی جاتی ہے۔ ماہرین صحت کے مطابق کیمیکل ملی چائے پینے سے معدے کے السر کا خطرہ بڑھ جاتا ہے۔
