لاہور (بیورو رپورٹ) وزیراعظم عمران خان کی اہلیہ بشریٰ بی بی نے لاہور میں سماجی سرگرمیاں جاری رکھیں، خاتون اول بشری بی بی بےسہارا اور بزرگ افراد سے ملنے اولڈ ایج ہوم پہنچیں۔ رہنما تحریک انصاف فرح خان بھی ان کے ساتھ تھیں۔ خاتون اول لاوارث بچیوں سے ملنے کاشانہ سوشل ویلفیئر ڈیپارٹمنٹ بھی پہنچیں۔ کاشانہ ویلفیئر کی ڈپٹی ڈائریکٹر خوشنود جمیل نے خاتون اول کا استقبال کیا، انہوں نے کچھ وقت بےسہارا بچیوں کے ساتھ گزارا۔
