سیالکوٹ (رپورٹ: سیدہ نزہت شہناز) سیالکوٹ میں امام مسجد گلے پر ڈور پھرنے سے شدید زخمی۔ زخمی ہونے والے امام مسجد کے ورثا نے بتایا کہ امام مسجد ناصر احمد جوکہ جامع مسجد حنفیہ غوثیہ اراضی سیالکوٹ سکنہ ناروال موٹر سائیکل پر تھانہ نیکا پورہ کی حدود میں واقع امام الحق سکول کے قریب ایک کٹی پتنگ کی ڈور گلے پر پھرنے سے خون میں نہا گیا جس کو شہریوں نے تشوشناک حالت میں علامہ اقبال ٹیچنگ ہسپتال منتقل کر دیا۔
