لاہور (ویب ڈسک) وزیر اعلی پنجاب سردار عثمان بزدار کی زیر صدارت صوبائی کابینہ کے اجلاس میں ڈیرہ غازی خان اور راجن پور کے قبائلی علاقوں کے لوگوں کیلئے بڑا اقدام۔ پنجاب کابینہ نے ڈیرہ غازی خان اور اور راجن پور کے قبائلی علاقوں کے لئے پولیس رولز 1934 میں ترمیم کی منظوری دے دی۔ ترمیم کے بعد ڈیرہ غازی خان اور راجن پور کے قبائلی علاقوں کے رہائشی افراد کو پولیس میں بھرتی کیلئے خصوصی رعایت حاصل ہوگی۔پولیس میں بھرتی ہونے والے افراد کو قد اور تعلیم میں رعایت ملے گی۔ یہ فیصلہ پسماندہ ترین قبائلی علاقوں کے رہائشی افراد کے لئے ایک مثبت اقدام ہے۔ پنجاب کابینہ نے یہ فیصلہ کرکے قبائلی علاقوں کے لوگوں کے دل جیت لئے ہیں۔
