ڈیرہ اسماعیل خان (رپورٹ: گوہر غنچہ) ڈسٹرکٹ فوڈ اتھارٹی ڈیرہ اسماعیل خان کی ٹیم کے تحصیل درابن کے علاقہ چودھوان میں مختلف بیکریوں اور کارخانوں پر چھاپے، غیر معیاری تیل اور مشروبات برآمد ہونے پر بھاری جرمانے عائد کردیئے گئے۔ غیر معیاری اشیاء خورد و نوش کی شکایت پر ڈسٹرکٹ فوڈ اتھارٹی کی ٹیم نے تحصیل درابن کے علاقہ چودھوان میں مختلف بیکریوں اور کارخانوں پر چھاپے مارے اور چھاپوں کے دوران بیکریوں اور ان کے کارخانوں میں حفظان صحت کی خلاف ورزی اور کھانے پینے کی اشیاء کی تیاری میں غیر معیاری اشیاء کے استعمال پر مختلف بیکریوں سے غیر معیاری تیل اور مشروبات پائے جانے کی وجہ سے ان کو موقع پر ضائع کیا اور بھاری جرمانے عائد کردیئے گئے۔
