ڈیرہ اسماعیل خان (رپورٹ: گوہر غنچہ) ڈیرہ اسماعیل خان کی تحصیل کلاچی کے علاقہ کوٹ ولی داد میں شادی میں ڈھول بجاتے ہوئے میراثی ہوائی فائرنگ کے دوران اتفاقی گولی لگنے سے شدید زخمی ہوگیا، زخمی کو ہسپتال منتقل کردیا گیا، پولیس نے واقعہ کا مقدمہ درج کرلیا۔ پولیس ذرائع کے مطابق تحصیل کلاچی کے علاقہ کوٹ ولی داد میں گزشتہ شب عمران ولد گل خان قوم مندو خیل سکنہ کوٹ ولی داد کی شادی میں اس کے دوستوں اور رشتہ داروں نے ہوائی فائرنگ شروع کردی جس سے وہاں شادی میں ڈھول بجاتے ہوئے میراثی نزیر احمد ولد بشیر احمد قوم یاری خیل سکنہ کلاچی اچانک گولی لگنے سے شدید زخمی ہوگیا۔ زخمی کو فوری طور پر ہسپتال منتقل کردیا گیا ہے۔ پولیس نے واقعہ کا مقدمہ درج کرلیا۔
