بھمبھر (بیورو رپورٹ) اسسٹنٹ کمشنر بھمبر بینش جرال کا گیس کی غیر قانونی ری فلنگ کے خلاف کریک ڈاون، موقع پر جرمانے اور وارننگ، اسسٹنٹ کمشنر نے کہا کہ کسی کو عوام کے جان و مال سے کھیلنے کی اجازت نہیں دی جائےگی۔ گیس ری فلنگ مالکان کی سرزش بھی کی۔ تفصیلات کے مطابق اسسٹنٹ کمشنر بھمبر بینش جرال نے غیر قانونی گیس ری فلنگ کے خلاف آپریشن کرتے ہوے ایس ایچ او سٹی مرزا نسیم کے ہمراہ مختلف گیس ایجینسیز کی چیکنگ کی اور موقع پر جرمانے اور وارننگ دی کہ کسی کو بھی یہ حق حاصل نہیں کہ وہ عوام کے جان و مال کو خطرہ میں ڈالے حفاظتی تقاضے پورے کیے بغیر گیس کی ری فلنگ انتہائی خطرناک ہے جس سے کسی بھی وقت کوئی بھی بڑا حادثہ رونما ہو سکتا ہے۔ انتظامیہ کسی کو بھی اس کی اجازت نہیں دے سکتی۔ اس موقع پر اسسٹنٹ کمشنر نے ہدایت کی کہ مقرر کردہ نرخ پر گیس فروخت کی جائے ورنہ متعلقہ دکانداروں کے خلاف سخت کاروائی ہوگی۔
