میرپورخاص (رپورٹ: ایم ہاشم شر) آل پرائیویٹ اسکولز مینجمینٹ ایسوسی ایشن میرپورخاص ریجن کے اعلامیہ کے مطابق تمام پرائیویٹ اسکولز انتظامیہ کو ہدایت دی جاتی ہے کہ وہ معزز عدالت عالیہ اور محکمہ تعلیم سندھ کی ہدایت کے مطابق موسم گرما کی تعطیلات کی فیس ایڈوانس میں نہ لیں تمام پرائیویٹ اسکولز انتظامیہ ہر ماہ کی فیس جاری ماہ میں ہی لے سکتا ہے اور کوئی بھی پرائیویٹ اسکول ایڈوانس واچر جاری نہ کرے۔ ہر اسکول کا حق ہے کہ وہ موسم گرما کی تعطیلات کی فیس لے سکتا ہے مگر ایڈوانس فیس نہیں لے سکتا ہے۔ اگر کوئی اسکول ان قوانین کی خلاف ورزی کرے گا تو ڈائریکٹر پرائیویٹ اسکولز اس اسکول کے خلاف قانونی کاروائی کرے گا۔ ایسوسی ایشن نے محترم والدین سے بھی گزارش کی ہے کہ موسم گرما کی تعطیلات کے دوران اسکولز کھلے رہیں گے جس کے دوران آپ اپنے شیڈول کے مطابق ہر ماہ کی فیس باآسانی جمع کرواسکتے ہیں۔
