اسلام آباد (بیورو رپورٹ) قومی احتساب بیورو کے چیئرمین جسٹس جاوید اقبال نے کہا ہے کہ بدعنوان عناصر سے تین سو تین ارب روپے برآمد کرکے قومی خزانے میں جمع کرادیئے گئے ہیں۔ اسلام آباد میں ایک بیان میں انہوں نے کہا کہ نیب نے اب تک چھتیس بڑے بدعنوان عناصر کو گرفتار کیا ہے اور ان کے خلاف مقدمات مختلف احتساب عدالتوں میں زیر سماعت ہیں۔ چیئرمین نے بدعنوانی سے متعلق تمام شکایات کا ریکارڈ کمپیوٹرائزڈ کرنے کی ہدایت کی ہے۔ انہوں نے شکایات کو قانون کے مطابق نمٹانے کی بھی ہدایت کی۔
