کوئٹہ (رپورٹ: محمد حمیر قاضی) سیکرٹری صحت بلوچستان مدثر وحید ملک کی ہدایت پر قومی ادارہ براۓ صحت کی ٹیم نےسنڈیمن ہسپتال کوئٹہ میں نول کورونا وائرس سے بچاؤ کے حوالے سے ایک ٹریننگ سیشن کا اہتمام کیا۔ اس ٹریننگ سیشن کے انعقاد میں ایم ایس ڈاکٹر فضل الرحمن بگٹی اور ڈی ایم ایس ڈاکٹر جاوید اختر نے معاونت کی۔ قومی ادارہ براۓ صحت کی ٹیم نے محکمہ صحت بلوچستان کے ڈاکٹرز، فارماسسٹس، نرسسز اور پیرامیڈیکل اسٹاف کو نول کورونا وائرس سے بچاؤ اور علاج کی ٹریننگ دی اور بتایا کہ نول کورونا وائرس کے مریض کا علاج اور احتیاط سے متعلق عالمی ادارہ صحت کی ہدایات سے بھی آگاہ کیا۔
