پاکستان کوسٹ گارڈ کی گوادر میں کاروائی، کروڑوں روپے مالیت کی منشیات برآمد

گوادر (رپورٹ: شاہد عمران چشتی) پاکستان کوسٹ گارڈ نے گوادر شاہجہاں چیک پوسٹ پر دوران چیکنگ ایک ٹیوٹا ہائی لیکس کے خفیہ خانوں میں چھپائی گئی 8 کلو گرام کرسٹل (آئس ہیروئن) برآمد کرکے 2 افراد کو گرفتار کرلیا- خدشہ ہے کہ یہ منشیات بلوچستان سے کراچی اسمگل کی جارہی تھی- پکڑی جانے والی منشیات کی عالمی مارکیٹ میں مالیت تقریباً 640,000 ہزار ڈالر (78.72 ملین روپے) کے لگ بھگ ہے- برآمد شدہ منشیات، ٹیوٹا ہائی لیکس اور 2 افراد کو تحویل میں لے لیا گیا اور مزید تفتیش جاری ہے- واضح رہے کہ پاکستان کوسٹ گارڈ ہر قسم کی اسمگلنگ کی روک تھام کے لئے ہمہ وقت مصروف عمل ہے- پاکستان کوسٹ گارڈ ملک معیشت کو مستحکم کرنے میں اپنا کردار ادا کرتی رہے گی-