سیالکوٹ (رپورٹ: سیدہ نزہت شہناز) ایڈیشنل ڈپٹی کمشنر فائنانس اینڈ پلاننگ سیالکوٹ کریم بخش نے تمام پرائس مجسٹریٹس کو ہدایت کی کہ وہ اشیاء خورد و نوش کی مقررہ نرخوں پر فروخت کو یقینی بنانے کیلئے مارکیٹ میں کی جانے والے تمام کارروائیاں ” پنجاب قیمت ایپس “ کے ذریعے عمل میں لائیں اور شہریوں کی جانب سے ملنے والی شکایات کا 2 گھنٹوں کے اندر تدارک کرکے رپورٹ کریں۔ انہوں نے کہا کہ مقررہ نرخوں کے برعکس زائد منافع حاصل کرنے اورگراں فروشی کے مرتکب دکانداروں کے خلاف سخت کارروائی کی جائے۔ انہوں نے کہا کہ تمام دکانوں پر پرائس لسٹ آویزاں کی جائے اور بازاروں اور دکانوں پر چھاپے مار کر اس امر کی تصدیق کی جائے۔ انہوں نے کہا کہ تمام پرائس مجسٹریٹس روزانہ کی کاروائی رپورٹ باقاعدگی اپ لوڈ کریں اور شکایات کا فوری ازالہ کریں۔
