کراچی (رپورٹ: ذیشان حسین) کمشنر کراچی نے محکمہ فوڈ کے نوٹی فیکشن کی روشنی میں سندھ کموڈیٹیز پرائس کنٹرول اینڈ پریوینشن آف پروفٹرنگ اینڈ ہورڈنگ ایکٹ 2005 کے سیکشن تھری (۲) اے کے تحت کراچی میں آٹے کی نئی قیمت مقرر کر دی ہے۔ منگل کو جاری ہونے والے نوٹیفیکشن کے مطابق آٹے کی ہول سیل قیمت 43 روپے فی کلو ہوگی جبکہ ہول سیل میں دس کلو آٹے کا تھیلہ 430 روپے کا ہوگا۔ مقرر کی جانے والے آٹے کی خوردہ قیمت 45 روپے فی کلو ہوگی جبکہ ریٹیل میں دس کلو کا تھیلہ 450 روپے کا ہوگا۔
