کراچی (رپورٹ: ذیشان حسین) پاکستان تحریک انصاف سندھ کے پارلیمانی لیڈر حلیم عادل شیخ کو تحریک انصاف کا مرکزی نائب صدر نامزد کر دیا گیا۔ پاکستان تحریک انصاف کے مرکزی چیف آرگنائیزر سیف اللہ خان نیازی نے نوٹیفیکیشن جاری کر دیا گیا۔ مرکزی نائب صدر ہونے پر حلیم عادل شیخ نے کہا ہے کہ پارٹی کی قیادت کا شکر گذار ہوں کہ مجھ پر اعتماد کرکے مرکزی نائب صدر کی ذمہ داری دی گئی ہے، پہلے کی طرح یہ ذمہ داری بھی بھرپور طریقے سے نبھانے کی کوشش کروں گا، پارٹی کو گراس روٹ تک لے جانے اور پارلیمنٹ میں مزید موثر کردار ادا کروانے میں اپنا بھر پور کردار اداکروں گا۔
