ڈیرہ اسماعیل خان (رپورٹ: گوہر غنچہ) گراں فروشوں کے خلاف بلاامتیاز کاروائی کا سلسلہ جاری رہے گا۔ ان خیالات کا اظہار فوڈ انسپکٹر ڈیرہ اسماعیل خان چوہدری خلیق الرحمٰن نے ڈیرہ شہر و مضافات میں چیکنگ کے دوران کیا، انہوں نے بتایا کہ گزشتہ ایک ہفتہ کی کاروائی کے دوران گراں فروش دکانداروں پر ایک لاکھ روپے سے زائد جرمانہ عائد کیا گیا جبکہ 19 گراں فروشوں کے خلاف ایف آئی آر درج کروائی گئی ہے۔ انہوں نے کہا کہ عوام گراں فروشوں کی نشاندہی کریں ہم ان کے خلاف بلاتفریق کاروائی کریں گے اور انہیں سخت سزائیں دے کر نشان عبرت بنایا جائے گا۔
