ڈیرہ اسماعیل خان (رپورٹ: گوہر غنچہ) تحصیل پروا ٓکچہری کے قریب موٹرسائیکل اور ٹریکٹر ٹرالی میں تصادم، موٹرسائیکل سوار بیس سالہ نوجوان جاں بحق، ساتھی شدید زخمی ہوگیا، زخمی کو ہسپتال منتقل کردیا گیا، متوفی کے لواحقین نے ڈرائیور کو فی سبیل اللہ معاف کردیا۔ پولیس ذرائع کے مطابق علاقہ جھوک گجر کا رہائشی بیس سالہ نوجوان عاشق حسین ولد نذر حسین قوم گجر موٹرسائیکل پر اپنے ساتھی عبداللہ ولد ملک منظور کے ساتھ جارہا تھا کہ تحصیل پروآ کچہری کے قریب پہنچنے پر وہ بارش اور پھسلن کے باعث بے قابو ہوکر ٹریکٹر ٹرالی سے ٹکرا گئے جس سے دونوں شدید زخمی ہوگئے، زخمیوں کو ہسپتال منتقل کیا گیا لیکن نوجوان عاشق حسین زخموں کی تاب نہ لاتے ہوئے راستے میں ہی دم توڑ گیا، متوفی کی لاش ورثا کے حوالے کردی گئی، متوفی کے لواحقین نے اسے اتفاقی حادثہ قرار دیتے ہوئے ٹریکٹر ڈرائیور کو فی سبیل اللہ معاف کردیا ہے۔
