صوابی (رپورٹ: اصغر خان) اسپیکر قومی اسمبلی اسد قیصر کا یونیورسٹی آف صوابی اور وومن یونیورسٹی کے مشترکہ کانووکیشن کی تقریب میں وزیر اعلیٰ خیبر پختون خواہ محمود خان کے ہمراہ شرکت۔ اسپیکر نے یونیورسٹی آف صوابی کے احاطے میں پودا لگایا، بعد ازاں تقریب میں شریک طلباء و طالبات میں اسپیکر اسد قیصر نے اسناد تقسیم کیں اور ہونہار طلباء کو ان کی بہترہن کارکردگی کی بناء پر گولڈ میڈل پہنائے۔ اس موقع پر اسپیکر کا کہنا تھا کہ طلبہ پاکستان کا روش مستقبل ہیں جو پاکستان کی ترقی میں اپنا نمایاں کردار ادا کر رہے ہیں، یہ دیکھ کر خوشی ہے کہ یہ طلباء و طالبات ملکی ترقی میں بڑھ چڑھ کے بھرپور حصہ لے رہے ہیں۔ تقریب کے اختتام میں اسپیکر اسد قیصر اور وزیر اعلیٰ کو تحائف پیش کیے گئے اور ان کی خصوصی شرکت پر ان کا شکریہ ادا کیا گیا۔
