ڈیرہ اسماعیل خان (رپورٹ: گوہر غنچہ) ڈیرہ اسماعیل خان پولیس کی کاروائیاں جاری، لاکھوں روپے مالیت کا 4400 لیٹر ایرانی ڈیزل اور 52 لیٹر پیٹرول برآمد کرکے 22 افراد کے خلاف مقدمات درج کرلئے۔ ڈیرہ اسماعیل خان پولیس کی ایرانی ڈیزل و پیٹرول کی غیر قانونی سمگلنگ کیخلاف کاروائیاں جاری ہے۔ تھانہ کڑی خیسور، تھانہ چودھوان، تھانہ ڈیرہ ٹاﺅن، تھانہ پروآ، تھانہ سٹی، تھانہ پہاڑ پور، تھانہ کلاچی، تھانہ یونیورسٹی، تھانہ صدر اور تھانہ یارک نے غیر قانونی سمگلنگ اور ڈیزل و پیٹرول ایجنسیوں پر غیر قانونی فروخت میں ملوث 22 افراد کیخلاف مقدمات درج کرکے انہیں گرفتارکرلیا ہے۔ پولیس نے اس دوران 4400 لیٹر ایرانی ڈیزل اور 52 لیٹر پیٹرول برآمد کرکے قبضہ میں لے لیا ہے۔
