میرپورخاص (رپورٹ: ایم ہاشم شر) ملک بھر کی طرح میرپورخاص میں بھی جشن عید میلادالنبیؐ نہایت عقیدت اور احترام سے منایا گیا۔ اس سلسلے میں ایم کیو ایم پاکستان میرپورخاص ڈسٹرکٹ کے تحت سیٹلائیٹ ٹاؤن، بھان سنگھ آباد، غریب آباد، پوسٹ آفس چوک اور مہاجر کالونی چوک پر استقبالیہ کیمپس قائم کئے گئے جبکہ ہیر آباد میں مرکزی استقبالیہ کیمپ قائم کیا گیا جہاں رکن رابطہ کمیٹی و انچارج نگراں ڈسٹرکٹ کمیٹی ڈاکٹر ظفر کمالی، رکن نگراں ڈسٹرکٹ کمیٹی عبدالاحد، چیئرمین انجینئر کامران شیخ، وائس چیئرمین فرید احمد خان، حق پرست کونسلرز، یوسیز کے ذمہ داران و کارکنان، اے پی ایم ایس او، لیبر ڈویژن، لیگل ایڈ کمیٹی، میڈیکل ایڈ کمیٹی اور ایلڈرز ونگ سمیت دیگر شعبہ جات کے ذمہ داران و کارکنان نے عاشقان رسول صلی الله علیہ وسلم کے جلوسوں پر گل پاشی کرکے ان کا پرتپاک استقبال کیا اور شرکاء کو ہار پہنائے۔ اس موقع پر جلوسوں کے شرکاء میں لنگر بھی تقسیم کیا گیا۔
