پاکستان کے قائم مقام سفیر کی یونان کے سیکریٹری خارجہ سے ملاقات کی۔ ملاقات میں دونوں ملکوں کے باہمی تعلقات کے علاوہ سیاسی، کونسلر، پاکستانی کمیونٹی اور علاقائی امور پر گفتگو

ایتھنز (رپورٹ: ملک فیصل سمرالہ) پاکستان کے قائم مقام سفیر یاور عباس نے آج یونان کے سیکریٹری خارجہ تھیمیستوکلیس دیمیریس سے ملاقات کی۔ ملاقات میں دونوں ملکوں کے باہمی تعلقات کے علاوہ سیاسی، کونسلر، پاکستانی کمیونٹی اور علاقائی امور پر گفتگو کی گئی۔ قائم مقام سفیر نے پاکستانی کمیونٹی کو درپیش مسائل، خصوصا فیملی ویزہ اور کاغذات کی تصدیق کے مسئلہ کو حل کرنے کی ضرورت پر زور دیا اور ان کے جلد حل کے لیے ٹھوس اقدامات کے بارے میں اہم تجاویز پیش کیں۔ سیکریٹری خارجہ نے قائم مقام سفیر کو ان تمام امور پر نظر ثانی کرنے کی یقین دہانی کروائی۔

ملاقات میں پاکستان اور یونان کے خوشگوار تعلقات پر اطمینان کا اظہار کیا گیا اور باہمی تعلقات مزید مستحکم کرنے کے لیے اقدامات اٹھانے کا فیصلہ کیا گیا۔