لاہور (نوپ نیوز) صوبائی دارالحکومت لاہور میں ٹریفک حادثات میں دو افراد جاں بحق ہوگئے تفصیلات کے مطابق چوہنگ کے علاقے شاہ پور کانجراں میں ٹریکٹر ٹرالی اور موٹر سائیکل کے تصادم کے دوران 29 سالہ اظہر شدید زخمی ہو کر زخموں کی تاب نہ لاتے ہوئے موقع پر دم توڑ گیا اطلاع ملنے پر پولیس نے موقع پر پہنچ کر لاش کو قبضے میں لے کر ضروری قانونی کارروائی کے بعد تدفین کے لیے ورثا کے حوالے کردیا جبکہ نصیر آباد کے علاقے والٹن روڈ کر رہائشی موٹر سائیکل سوار شہباز تیز رفتار کار کی ٹکر لگنے سے شدید زخمی ہوگیا جسے فوری طبی امداد کیلئے ہسپتال منتقل کیا گیا جہاں وہ زخموں کی تاب نہ لاتے ہوئے دم توڑ گیا۔
