کراچی (ویب ڈیسک) پاکستان کو بیرونی دنیا سے جوڑنے والی 2 اہم ترین سب میرین کیبلز آف لائن ہوگئیں ہیں جس کی وجہ سے پاکستان میں انٹرنیٹ کی سپیڈ انتہائی کم ہوئی ہے۔ پرو پاکستانی کے مطابق دو کیبلز پاکستان کی انٹرنیٹ ٹریفک کا 50 فیصد وزن اٹھاتی ہیں۔ یہ دونوں کیبلز ایک تکنیکی خرابی کا شکار ہوئی ہیں تاہم ابھی تک یہ پتا نہیں چل سکا ہے کہ خرابی کس جگہ پر ہوئی ہے۔ کیبلز میں پیدا ہونے والی خرابی کے باعث پاکستان کے انٹرنیٹ صارفین کو اس وقت تک مسائل کا سامنا رہے گا جب تک ان کا فالٹ دور نہیں کردیا جاتا۔ انٹرنیٹ سروس پرووائڈرز (آئی ایس پی) کا کہنا ہے کہ وہ دوسری سب میرین کیبلز پر لوڈ شفٹ کررہے ہیں جس کے باعث سپیڈ میں بہتری آجائے گی لیکن جب تک مذکورہ بالا کیبلز ٹھیک نہیں ہوجاتیں تب تک مسائل موجود رہیں گے۔
